خاص || أثربرس تصدّر الشيف السوري عمر أبو لبدة والذي يشتهر بجملة “الله يباركلو” الترند على منصات التواصل الاجتماعي، وذلك بعد ظهوره في لقاء على إحدى الإذاعات السورية المحلية.
حيث ظهر الشيف عمر بلقاء على إذاعة “المدينة” المحلية، وتحدث فيها عن الفيديو الذي صنع شهرته وهو فيديو عفوي وبسيط جداً عن طريقة “صنع الشاورما”، وسلط الضوء أيضاً على أسوأ ما في مواقع التواصل الاجتماعي، كإلصاق التهم ونشر الإشاعات.
كما أضاف الشيف عمر بلهجته العامية: “موضوع الإشاعات ما عاد عم يهمني، بالعكس كل ما حدا حكى عليي حتى لو بشكل سيئ عم ترتفع المشاهدات.. لأني مع رب العالمين ونيتي صافية وما بحارب حدا أبداً..”، لافتاً إلى أنه تعرض جداً للمحاربة والمهاجمة من قبل الكثيرين ومن أبناء مهنته.
وتعرض الشيف عمر لحملة مهاجمة على منصات السوشال ميديا، جراء ظهوره على إعلام سوري محلي، حيث طالب البعض منهم على “تويتر” بحملة مقاطعة له، ليضيف أحد الأشخاص: “هالمرة صار بدو الله لا يباركلو”، وعلق آخر: “عمر قرر يعتزل الرمادية ويعلن بشكل صريح أنه مع النظام السوري.. حرق الطبخة..”، بحسب تعبيره.
حرق الطبخة ولعن عرضها#الشيف_عمر pic.twitter.com/OYtFPi9y6I
— ماجد شمعة (@majed899) July 2, 2022
بدورها، وسائل إعلام معارضة، اعتبرت موضوع ظهور الشيف عمر على إذاعة سورية محلية، بأنه “بمثابة تناسٍ لوجع السوريين”!، بحسب وصفها.
وبالمقابل، هناك عدد كبير من الناشطين، الذين أشادوا بظهور الشيف عمرو على إعلام سوري، فاصلين السياسة عن الطبخ، ليكتب أحدهم: “بالعكس الله يباركلك وكتير.. نحنا منفتخر فيك بسوريا”.
وكتب آخر: “كتير مميز نجاحك.. أهضم شيف.. رفعت راسنا نحنا السوريين.. ما ترد ع الهجوم يلي صار ضدك.. وأهلا وسهلا فيك ببلدك.. بتستاهل كل خير”.
فيما قال البعض الآخر من الناشطين: “كتير ظهر على وسائل إعلام معارضة من قبل.. ليش ما حدا عمل كل هالحملة والهجوم ضدو.. ازدواجية معايير؟!”.
من جانبه الشيف عمر، ظهر بستوري على حسابه في موقع “إنستغرام”، بعد الحملة ضده، وقال: “شوفي شو صاير.. الواحد بينام بأمان الله بفيق بلاقي صفحة الفيسبوك زايدة 100 ألف متابع بأقل من 24 ساعة.. أهلا وسهلا بكل المتابعين الجداد..”، مضيفاً بطريقة ساخرة: “معقول كل هالمتابعين الجداد إجو من تأثير البطيخ يعني فيديو البطيخ يلي نزلتو..”.
وتابع: “يلي بحب الشيف عمر يحضر المقابلة كتير رح تعجبكن.. أما يلي بدو يتصيد بالمي العكرة ويحط عناوين عجيبة غريبة مكسور عليه شوية لايكات ومشاهدات وما عندو شي يتاجر فيه روحوا اتفرجو عالمقابلة بركي بتلاقو شي.. وبتكتبو فضيحة الشيف عمر.. شاهد قبل الحذف”.
جدير بالذكر أن الشيف عمرو حقق نسب مشاهدة عالية جداً بالملايين، ويعرف بوصفاته الشهية وبأسلوبه المميز والبسيط، واشتهر بعبارات مثل “الله يباركلو، وشي أبو راتب”.
بتول حسن